Bókanir fyrir tímabilið Janúar – Apríl 2025 verða opnaðar á mánudag 18.nóvember kl 12:00.
Páska-dagar fara í sér úthlutun en það verður auglýst síðar.
Félagsmenn FVFÍ
Félagsfundur FVFÍ verður haldinn þriðjudaginn
19. nóvember 2024 næstkomandi klukkan 20:00 að Borgartúni 22.
Dagskrá:
- Erindi frá Viðari Halldórssyni prófessor í félagsfræði.
- Kynning frá Birki Halldórssyni og Gunnari Bjarnasyni á ferð sinni til Ástralíu á AEI ráðstefnu fyrir hönd FVFÍ.
- Önnur mál.
Mætið vel og stundvíslega
Stjórn FVFÍ
Fyrsti félagsfundur vetrarins var haldinn í sal FVFÍ fimmtudaginn 3. Október og var vel sóttur af tæplega 50 félagsmönnum.
Björn Berg frá bjornberg.is hélt hnitmiðað erindi um lífeyrismál og þá sérstaklega tilgreinda séreign og hvað ber að hafa í huga þegar líða fer á seinni árin.
Erindið var afar fróðlegt og vakti mikinn áhuga viðstaddra.
Einnig var ný skemmtinefnd kynnt til leiks og verður mjög spennandi að sjá hvað þeir bera á borð fyrir félagsmenn. Án efa verður það þeim til sóma og félagsmönnum til góða.
Meira má lesa um lífeyrismál á lifeyrismal.is og hvetjum við alla til að kynna sér sín mál vel og reglulega.
Þann 25. september síðastliðinn var undirritaður kjarasamningur milli Flugvirkjafélags Íslands og Flugfélagsins Atlanta um kaup og kjör flugvirkja starfandi hjá fyrirtækinu. Kjarasamningurinn var lagður fyrir félagsmenn og samþykktur með meirihluta atkvæða.
Undirbúningsámskeið fer fram dagana 11.-15. nóvember, milli kl. 18:00 – 21:00 í sal félagsins að Borgartúni 22. 3. hæð.
Umsóknir þurfa að berast fyrir 27. október 2024. Umsóknareyðublöð má nálgast á heimasíðu félagsins, undir Eyðublöð og sendist til Flugvirkjafélag Íslands, Borgartúni 22, 105 Reykjavík, eða á flug@flug.is
Prófgjald kr. 5.500.- Námskeiðsgjald kr. 35.500.-
Þeir sem hafa verið meðlimir FVFÍ í 6 mánuði greiða ekki námskeiðsgjald.
Nánari upplýsingar hjá skrifstofu félagsins í síma 562 1610.
Opnað hefur verið fyrir “Vetrarfrí 23-28 Október” umsóknir í orlofshús FVFÍ.
Opið verður fyrir umsóknir til 22.september, 23:59
Úthlutað verður eftir punktastöðu.
Greiðslufrestur er til 27. sept kl 09:00
Eftir úthlutun verður opnað fyrir fyrstur kemur fyrstur fær kl 11:00, 27 september.
Verð:
Flúðir og Húsafell – 30 þús, 40 punktar
Akureyri – 35 þús, 40 punktar
Sótt er um á www.orlof.is/fvfi
Opnað hefur verið fyrir vetrarleigu orlofshúsa og gildir þá fyrstur bókar fyrstur fær.
Varðandi vetrarfrístímabilið 23.-28. október þá verður umsóknarferlið auglýst síðar.
Hæstiréttur staðfesti í dag dóm Landsréttar frá því sl. haust þess efnis að allur ferðatími flugvirkja hjá Samgöngustofu skilgreinist sem vinnutími. Flugvirkinn hafði því betur gegn íslenska ríkinu. Dómurinn hefur fordæmisgildi fyrir allan vinnumarkaðinn, hvort tveggja opinbera og almenna vinnumarkaðinn.
Í stuttu máli gengur niðurstaða dómsins út á að ef starfsmenn sem ferðast til annars áfangastaðar en reglubundinnar starfsstöðvar í því skyni að inna af hendi störf sín að kröfu vinnuveitandans, þar sem ferðatíminn er til lengri tíma en dagvinnutíma nemur, telst ferðatíminn til vinnutíma. Ber vinnuveitanda að tryggja lágmarksréttindi starfsmanns á þeim tíma lögum samkvæmt. Samgöngustofa og ríkið höfðu hafnað kröfu um að viðurkenna allan ferðatíma í ferðum milli landa sem vinnutíma, þrátt fyrir að sá hluti ferðatímans sem féll innan dagvinnutíma hafi verið viðurkenndur sem vinnutími og laun greidd fyrir dagvinnutímann. Byggir dómsniðurstaðan á túlkun á vinnutímaskilgreiningu, sem innleidd er í íslensk lög úr vinnutímatilskipun ESB. Héraðsdómur leitaði ráðgefandi álits EFTA-dómstólsins í því skyni að fá túlkun þess dómstóls á því hvernig skýra bæri umrætt ákvæði. Taldi EFTA-dómstóllinn að um vinnutíma væri að ræða þegar starfsmaður í svipaðri stöðu og flugvirkinn er í ferðum á vegum vinnuveitanda. Fallist var á dómsniðurstöðu EFTA-dómstólsins í málinu á öllum dómstigum hérlendis. Dómur Hæstaréttar er endanleg dómsniðurstaða um dómkröfu flugvirkjans.
Niðurstöðu Hæstaréttar er að finna hér: https://www.haestirettur.is/domar/_domur/?id=cdc3ef5b-6e88-4b16-a886-5644e6987ec1
Aðalfundur FVFÍ verður haldinn miðvikudaginn 24. apríl í sal félagsins að Borgartúni 22 og hefst kl. 18:30
Fundarefni:
- Hefðbundin aðalfundarstörf
- Lagabreytingar:
- Önnur umræða og kosning um tillögur af lagabreytingum á lögum Sjúkrasjóðs FVFÍ.
- Kosið um reglugerðabreytingar á Starfsmenntasjóð FVFÍ.
- Aðrar tillögur ef berast.
- Kosning stjórnar.
- Önnur mál.
- Veitingar að fundi loknum.
Tillögur til lagabreytinga verða að hafa borist stjórn félagsins eigi síðar en viku fyrir aðalfund.
Eftirfarandi aðilar munu bjóða sig fram til áframhaldandi stjórnarsetu:
Óskar Einarsson – Icelandair
Þorgrímur Sigurðsson – Icelandair
Helgi Rúnar Þorsteinsson – Icelandair
Viðar Andrésson – Icelandair
Eftirfarandi aðilar munu ekki bjóða sig fram til áframhaldandi stjórnarsetu í aðalstjórn:
Ívar Pétursson – Icelandair
Félagsmenn sem vilja láta sig málefni félagsins varða eru hvattir til að bjóða sig fram til stjórnar eða senda inn tillögur að framboði.
Framboðum skal skila til skrifstofu FVFÍ skriflega eða með tölvupósti á flug@flug.is eigi síðar en 3 dögum fyrir aðalfund.
Ársreikningur verður birtur á snjallforriti FVFÍ viku fyrir fund og mun einnig liggja fyrir á skrifstofu félagsins á opnunartíma sem er mán.‐fim. á milli 10 og 15 en fös. milli 10 og 12.
Nýlegar athugasemdir